អាយឌីអូឡូជីញ៉ូស
ភ្នំពេញៈ នៅម៉ោងជាង១២រលងអាធ្រាតឈានចូលថ្ងៃទី១៩ ខែមករា ឆ្នាំ២០១៩ កម្លាំងជំនាញនៃមន្ទីរប្រឆាំងគ្រឿងញៀន បានចាប់ខ្លួនជនបរទេសដែលមានចម្រុះជាតិសាសន៍ចំនួន ៥៨នាក់ រួមមាន ចិន វៀតណាម កូរ៉េ ថៃ ខ្មែរ ក្រោយជួញដូរ និងប្រើប្រាស់គ្រឿងញៀន នៅក្នុងក្លិបកម្សាន្តប្រូ (PRO) ដែលមានទីតាំងនៅលើផ្លូវមុនី្នវង្ស ផ្ទះលេខ៧៥៧-៧៥៨ ស្ថិតនៅក្រុម២៦ ភូមិ៧ សង្កាត់បឹងត្របែក
ខណ្ឌចំការមន រាជធានីភ្នំពេញ ។
ក្លិបកម្សាន្តប្រូ (PRO)
សូមជម្រាបជូនថា ការបង្ក្រាបក្លិបកំសាន្តប្រូនេះ គឺជាលើកទី២ហើយ មិនដឹងថាម្ចាស់ទីតាំងនេះមានខ្នង ឬក៏ខ្សែអ្នកមានអំណាច ឬយ៉ាងណាទេ បានជាបន្តឲ្យបើកដំណើរការជាធម្មតាឡើងវិញបាន។
បើតាមសមត្ថកិច្ចបានឲ្យដឹងថា នៅរាត្រីថ្ងៃទី១៨ខែមករា ឆ្នាំ២០១៩ ពីម៉ោង១២និង១៥នាទី ឈានចូលថ្ងៃទី១៩មករា ឆ្នាំ២០១៩ កម្លាំងជំនាញ (ក៨) និង(ក៣) នៃមន្ទីរប្រឆាំងគ្រឿងញៀន បានបើកកិច្ចប្រតិបត្តិការបង្ក្រាបករណីជួញដូរគ្រឿងញៀន នៅទីតាំងខាងលើនេះ លទ្ធផល៖
-ឃាត់ខ្លួន: ជនសង្ស័យ៥៨នាក់ (ស្រី២៤)
+ជនជាតិចិន២៩នាក់ ស្រី៥នាក់។
+ជនជាតិវៀត ណាម ២៣នាក់ ស្រី១៥នាក់។
+ជនជាតិថៃ ០២នាក់ ស្រី
+ជនជាតិខ្មែរ ០៣នាក់ ស្រី២នាក់។
+ជនជាតិកូរ៉េ ០១នាក់ ប្រុស។
-ធ្វើតេស្តទឹកម៉ូត វិជ្ជមាន៥២នាក់ អវិជ្ជមាន០៦នាក់។
-បែងប្រភេទជនសង្ស័យ:
+អនុប្រធានក្រុមហ៊ុន០១នាក់ ជាម្ចាស់ទីតាំង។
+មេការធំ១នាក់ មេការតូច ០១នាក់ ជាអ្នកចាត់ចែង។
+អ្នកប្រើប្រាស់៥៣នាក់
+អ្នកកំដរ ០២នាក់។
– ចាប់យកវត្ថុតាង :
+អ៊ិចស្តាស៊ីគ្រាប់ទម្ងន់២,០៥ក្រាម
+ម្សៅគេតាមីន៦,៥៨ក្រាម។
+ម្សៅកាហ្វេអ៊ិចស្តាស៊ី ៩៧,០៨
ក្រាម។
បញ្ជាក់: វត្ថុតាងខាងលើនេះ មិនទាន់មានអ្នកទទួលខុសត្រូវទេ ដោយថ្នាំទាំងនេះរាយប៉ាយលើតុ ជ្រុះដី ពូកគេបដិសេធទាំងអស់គ្នា ។
បច្ចុប្បន្ន ជនសង្ស័យ ព្រមទាំងវត្ថុតាងខាងលើ បានបញ្ជូនទៅមន្ទីរប្រឆាំងគ្រឿងញៀន ដើម្បីកសាងសំណុំរឿងបញ្ជូនទៅតុលាការតាមនីតិវិធី ។
